Өдрийн шуудан сонины сэтгүүлч Р.Оюунжаргал, Ц.Эрдэнцэцэг нартай редакцийн уулзалтад Төрийн албаны зөвлөлийн дарга Д.Зүмбэрэллхам, тус зөвлөлийн орон тооны гишүүн Б.Өнө­баатар, Д.Батбаяр, ажлын албаны ахлах референт Д.Баатарсайхан, референт Т.Сосорбарам нар оролцсон юм.

Төрийн албаны зөвлөлөөс 2012 оныг "Төрийн удирдах албан тушаалтны манлайллын жил"  болгохоор шийдвэрлэсэн билээ.  Төрийн албаны зөвлөлийн 2012 оны эхний хуралдаанаар "Төрийн удирдах албан тушаалтны манлайллын  түвшинг үнэлэх удирдамж"-ийг  боловсруулан баталлаа. Энэ удирдамж нь Төрийн  албаны тухай хууль тогтоомж, стандартыг тууштай хэрэгжүүлж, улс төрөөс хараат бус, мерит зарчимд тулгуурласан  төрийн албыг төлөвшүүлэн бэхжүүлэхэд төрийн болон төсвийн байгууллагын ерөнхий менежерүүд, удирдах албан тушаалтны хүлээх үүрэг,  ёс зүйн хариуцлага, манлайллыг шаардагдах түвшинд хүргэж жигдрүүлэх зорилготой юм.

Төрийн албаны зөвлөлийн 2012 оны анхны хуралдаанаар төрийн жинхэнэ албаны удирдах албан тушаалд томилогдох ажилтанд дүгнэлт гаргах, маргаан хянан шалгах  комиссын  дүгнэлт, Архангай аймгийн Төрийн албаны зөвлөлийн салбар зөвлөлийн нарийн бичгийн даргыг томилох зэрэг  асуудлыг хэлэлцлээ.

Мэдээллийн технологийн паспорт болон инженерийн шалгалтыг Төрийн албанд нэвтрүүлэх чиглэлээр хамтарч ажиллах боломжийг судлах уулзалт Төрийн албаны зөвлөлд боллоо.

Төрийн албаны зөвлөлийн салбар зөвлөлүүдэд 2011 оны үйл ажиллагааны тайланг 2012 оны 1 дүгээр сарын 15-ны өдрийн дотор багтаан ирүүлхийг чиглэл болголоо.  2011 оныг Төрийн албаны зөвлөлөөс "Ёс зүй, хариуцлагын жил" болгон дэвшүүлсэнтэй холбогдуулан энэ хүрээнд зохион байгуулж, хэрэгжүүлсэн ажлын үр дүн зэрэг Салбар зөвлөлийн бүрэн эрхэд хамаарах 15 асуудлаар тайлангаа бэлтгэн ирүүлэхийг чиглэл болгов.

Төрийн албаны зөвлөлийн энэ оны сүүлчийн хуралдаанаар 2011 онд дэвшүүлсэн зорилтын хэрэгжилт, 2012 онд дэвшүүлэх зорилтын тухай хэлэлцээд Төрийн албаны зөвлөл болон түүний Салбар зөвлөлүүдийн 2011 онд хийж гүйцэтгэсэн дараах ажлуудыг ОНЫ ОНЦЛОХ ҮЙЛ ЯВДЛААР нэрлэлээ.