“Төрийн албаны мерит тогтолцоо: туршлага сургамж, сорилт боломж” сэдэвт олон улсын бага хурлыг 2013 оны 9 дүгээр сарын 3-5-ны өдрүүдэд Улаанбаатар хотноо зохион байгуулахтай холбогдуулан Монгол Улсын төрийн албаны зөвлөлийн удирдлага Монгол улсад суугаа гадаад орны элчин сайд, хэргийг түр хамаарагч нарыг хүлээн авч уулзав.

Уулзалтад 11 орны элчин сайд, хэргийг түр хамаарагч болон элчин сайдын яамны төлөөлөл, мөн олон улсын байгууллагын төлөөлөгчид ирж оролцов.

Төрийн албаны зөвлөлийн 16 дугаар хуралдаанаар зарим аймгийн Засаг даргын Тамгын газрын дарга, ИТХТ-ийн нарийн бичгийн даргын албан тушаалд томилогдох удирдах ажилтны сонгон шалгаруулалтын дүнг хэлэлцлээ. Дүнг хэлэлцээд Б.Лхагвасүрэнг Архангай аймгийн, Т.Манкейг Баян-Өлгий аймгийн, О. Тойвгоог Баянхонгор аймгийн, Б.Эрдэнэбатыг Өвөрхангай аймгийн, Ц.Лхамсүрэнг Сүхбаатар аймгийн, Д.Нямдоржийг Төв аймгийн, Б.Батмөнхийг Ховд аймгийн, М.Болдыг Хэнтий аймгийн, Ч.Чүлтэмбатыг Дархан-Уул аймгийн, В.Сумъяасүхийг Орхон аймгийн Засаг даргын Тамгын газрын даргаар,

Аймгийн Засаг даргын Тамгын газрын дарга, ИТХТ-ийн нарийн бичгийн даргын сонгон шалгаруулалтыг 4 дүгээр сарын 18-наас Төрийн албаны зөвлөлийн сайтаар нийтэд нээлттэй зарласан билээ. Өнөөдөр Архангай, Баян-Өлгий, Баянхонгор, Дархан-Уул Дорноговь, Завхан, Өвөрхангай, Сүхбаатар, Ховд, Төв, Увс, Хэнтий, Орхон зэрэг аймгийн Засаг даргын Тамгын газрын дарга буюу Төсвийн шууд захирагчийн,  Архангай, Булган, Баян-Өлгий, Говь-Алтай, Говьсүмбэр, Завхан, Сүхбаатар, Төв, Ховд, Хэнтий зэрэг аймгийн ИТХТ-ийн нарийн бичгийн даргын сонгон шалгаруулалт явагдаж байна. Сонгон шалгаруулалтад 33 хүн өрсөлдөж байна.

Төрийн албаны үйл хэрэгт бодитой хувь нэмэр оруулан, үр бүтээлтэй, бүтээлч санаачилгатай ажиллаж, албан үүргээ чин шударгаар биелүүлэн, амжилт гаргасан албан хаагчдыг “Төрийн албаны тэргүүний ажилтан” тэмдгээр шагналаа. Шагнал гардуулах ёслолд  Төрийн албаны зөвлөлийн дарга Б.Цогоо, Төрийн албаны зөвлөлийн гишүүн Д.Даваа-Очир, Т.Хадхүү, УИХ-ын Тамгын газрын Ерөнхий нарийн бичгийн дарга Б.Болдбаатар нар оролцов.

Төрийн албаны зөвлөлийн дарга Б.Цогоо 2013 оны 5 дугаар сарын 10-нд  НҮБ-ын Суурин төлөөлөгч, НҮБ-ын Хөгжлийн хөтөлбөрийн зохицуулагч Хатагтай Сезин Синаноглуг өөрийн нь хүсэлтээр хүлээн авч уулзлаа. Уулзалтад ТАЗ-ийн Гишүүн Т.Хадхүү, Гишүүн Д.Даваа-Очир, НҮБ-ын Хөгжлийн хөтөлбөрийн Орлогч суурин төлөөлөгч Ноён Томас Эриксон, Засаглалын хөтөлбөрийн менежер Ц.Даваадулам нар болон албаны бусад хүмүүс байлцав.

Аймгийн Засаг даргын Тамгын газрын дарга, ИТХТ-ийн нарийн бичгийн даргын албан тушаалд томилогдох удирдах ажилтны ажлын байранд нээлттэй сонгон шалгаруулалт зарласан бөгөөд, шалгалтыг 2013 оны 5 дугаар сарын 15-17-ны өдөр зохион байгуулах юм. Сонгон шалгаруулалтын бүртгэл өнөөдрөөс эхэлж байна.