2012 оны 05 дугаар сарын 15, 16-ны өдөр Баян-Өлгий аймаг дахь төрийн албаны зөвлөлийн салбар зөвлөл нь аймгуудаас анх удаа бие дааж төрийн жинхэнэ албаны мэргэшлийн шалгалтыг цахимаар  амжилттай авлаа. Өмнө нь 2011 оны 12 дугаар сарын 17-ны өдөр Төрийн албаны зөвлөлөөс томилогдсон Ажлын хэсэг Баян-Өлгий аймагт төрийн жинхэнэ албаны мэргэшлийн шалгалтыг анх удаа цахимаар авахад нь тус аймаг дахь Салбар зөвлөлд арга зүйн тусламж үзүүлсэн  юм. Цахим хэлбэр нь шалгалт  ил тод, шударга байх боломж олгохын  зэрэгцээ цаг хугацаа, зардал хэмнэхэд чухал ач холбогдолтой боллоо хэмээн орон нутгийн иргэд болон Салбар зөвлөл талархан хүлээн авсан болно.

Улсын Их Хурлын 2011 оны 12 дугаар сарын 23-ны өдөр баталсан "Төсвийн тухай хууль"-тай нийцүүлэн ”Төсвийн шууд захирагчийн үр дүнгийн гэрээ байгуулах журам", ”Төсвийн шууд захирагчийн үр дүнгийн гэрээний биелэлтийг дүгнэх журам", "Менежерийн үр дүнгийн гэрээ байгуулах журам", "Менежерийн үр дүнгийн гэрээний биелэлтийг дүгнэх журам", "Төрийн албан хаагчийн үр дүнгийн гэрээ байгуулах журам", "Төрийн албан хаагчийн үр дүнгийн гэрээний биелэлтийг дүгнэх журам”-ын төслүүдийг шинэчлэн боловсруулж, танилцуулга, тогтоолын төслийн хамт Төрийн албаны зөвлөлийн салбар зөвлөл, төрийн байгууллага, төрийн албан хаагчид, судлаачид, иргэд, сонирхогч талуудын саналыг авахаар Төрийн албаны зөвлөлийн цахим хуудас /www.csc.gov.mn/-нд байршуулж байна.

Гадаадад сургууль төгсөгчдийн холбоодын III зөвлөлдөх уулзалт 2012 оны 4 дүгээр сарын 25-нд боллоо. Уулзалт зөвлөгөөнд Төрийн албаны зөвлөлийн дарга Д.Зүмбэрэллхам хүндэт зочноор уригдан оролцож, гадаадад сургууль төгссөн, ажиллаж амьдарч байгаад ирсэн Монгол Улсын иргэд Төрийн албаны шалгалтад хэрхэн яаж бэлтгэх, өгөх улмаар төрийн албанд орж ажиллах, түүнчлэн хилийн чанадаас онлайнаар сургалт авах болон шалгалт өгөх боломжийн талаар залуустай нээлттэй ярилцаж, тодорхой мэдээлэл өгч санал солилцлоо

Төрийн албаны зөвлөлийн удирдлага яам, агентлагийн дэргэдэх болон аймаг нийслэл дэх өөрийн Салбар зөвлөлийн дарга, гишүүд болон төрийн албан хаагчидтай биечлэн уулзаж, Төрийн албаны зөвлөлийн бодлого, шийдвэр, үйл ажиллагааны талаар мэдээлэл өгөх, төрийн албаны шинэтгэлийн тулгамдсан асуудлаар төрийн албан хаагчидтай санал солилцох ажлыг ээлж дараалан зохион байгуулж байгаа юм.

Өнөөдөр сонины сэтгүүлч Р.ОюунцэцэгТөрийн албаны зөвлөл (ТАЗ) - ийн дарга Д.Зүмбэрэллхамтай ТАЗ-ийн үйл ажиллагаа, өнөөгийн байдал, цаашдын хандлага, анхаарал татсан асуудлын талаар илүү тодорхой мэдээлэл өгөх зорилгоор хийсэн ярилцлагыг толилуулж байна

Төрийн албаны зөвлөлийн ээлжит хуралдаанаар төрийн албаны мэргэшлийн шалгалтын дүн, удирдах ажилтнуудын сонгон шалгаруулалтын дүнгийн тайлан, маргаан шийдвэрлэх комиссын дүгнэлт, зарим салбар зөвлөлийн даргыг томилох зэрэг асуудлыг хэлэлцлээ.